د ژورنالېزم او عامه اړیکو پوهنځي محصلانو لپاره شپږ ورځنی ورکشاپ پای ته ورسېد.
د شیخ زاید پوهنتون محصلانو چارو معاونیت او د محصلانو د سمون او انسجام آمریت لخوا د ژورنالېزم او عامه اړیکو پوهنځي وروستي کال محصلانو لپاره د ظرفیت لوړونې په درېیو برخو کې سیمینارونه وړاندې شول، چې شپږ ورځې یې دوام وکړ.
هغه مراسم چې په همدې مناسبت ترتیب شوي و، د شیخ زاید پوهنتون محصلانو چارو مرستیال پوهنیار مجاهد همت یار محصلانو ته پخپله وینا کې ډاډ ورکړ چې د دوی علمي کچې د پراختیا او ظرفیت لوړونې په برخه کې به لا هم هڅې او کوښښونه کوي؛ تر څو د محصلانو د مسلکي وړتیاوو زیاتولو په موخه دا ډول نور پروګرامونه په لاره واچوي.
د ورکشاپ لومړی سیمینار د علمي څېړنو مرستیال او د ژورنالېزم او عامه اړیکو پوهنځي استاد پوهنمل دوکتور احمد جاوید شکیب لخوا وړاندې شو.
د ورکشاپ دویم سیمینار د معلوماتي ټېکنالوژۍ آمر نقیب الله نوید لخوا او د ورکشاپ درېیم سیمینار د رسنیو مرکز مسؤل مدیر فهیم عارف لخوا وړاندې شول.
د پای مراسم د یاد ورکشاپ ترتيب کوونکو او ګډونوالو محصلانو ته د تصدیق پاڼو په ورکولو سره پای ته ورسیدل.
