د نشه یي توکو ضررونو او مخنيوي په اړه د عامه پوهاوي سیمينار ورکړل شو.
نن يکشنبه د ۱۴۰۴ هـ.ش کال د زمري میاشتې ۱۲مه، چې د ۱۴۴۷ هـ.ق کال د صفر المظفر میاشتې له ۹مې نیټې سره برابره ده، شيخ زايد پوهنتون کې د نشه یي توکو ضررونو او مخنيوي لارو چارو تر عنوان لاندې یو ورځنی سیمينار وړاندې شو.
په دغه سیمینار کې د شيخ زايد پوهنتون علمي چارو مرستيال پوهنمل نورالله حسين خېل سربېره، د بېلا بېلو پوهنځیو څخه ۲۴ استادانو ګډون کړی و، چې د نشه یي توکو د انواعو پېژندنه، د انسان پر دماغو یې ناوړه اغېزې، د ټولنې لپاره جدي ګواښ، حل لارې او مخنيوي په اړه بېلا بېل ګټور معلومات وړاندې شول.
ياد سیمینار د شيخ زايد پوهنتون مسلکي پرمختيا مرکز له لوري په لاره اچول شوی و، چې د طب پوهنځي استاد پوهنيار محمد ابراهيم لخوا وړاندې شو.
نشراتو او عامه اړیکو آمريت
