د ژباړې او تألیف لارښود په اړه استادانو ته یو ورځنی ورکشاپ دایر شو.

نن دوشنبه د ۱۴۰۴ هـ.ش کال د ثور مياشتې ۲۲مه، چې د ۱۴۴۶ هـ.ق کال د ذوالقعدة میاشتې له ۱۴مې نیټې سره سمون لري، د شيخ زايد پوهنتون مسلکي پرمختيا مرکز کې استادانو ته د ژباړې او تألیف لارښود تر عنوان لاندې یو ورځنی ورکشاپ دایر شو.

یاد ورکشاپ چې د علمي څېړنو معاونيت اړوند د علمي څېړنو آمریت لخوا ترتیب او د شیخ زاید پوهنتون دوولسو پوهنځیو علمي کادر غړو لپاره په لاره اچول شوی و، پکې د سریزې لیکنه، د درسي او ممد درسي کتابونو تألیف او ژباړه، د تألیف او ژباړې جوړښتيز معیارونه، ماخذ لیکنه او ورته نورو موضوعاتو باندې د شیخ زاید پوهنتون دوو تنو علمي کادر غړیو هر یو پوهنوال زرولي صدیقي او پوهنیار زاهد الله ذهين لخوا معلومات وړاندې شول.

نشراتو او عامه اړیکو آمريت