شيخ زايد پوهنتون کې له ښکېلو خواوو سره د څېړنو پایلې شریکې شوې.
تېره ورځ یکشنبه د ۱۴۰۳ هـ.ش کال د سلواغې مياشتې ۱۴مه، چې د ۱۴۴۶ هـ.ق کال د شعبان المعظم له درېیمې نیټې سره سمون لري، د شيخ زايد پوهنتون رياست په تالار کې د استادانو لخوا په بېلا بېلو موضوعاتو باندې تر سره شویو څېړنو پایلې ارائیه کړل شوې.
د مقالو د ارائیه کولو لپاره په رابلل شوې ناسته کې د شیخ زاید پوهنتون رئيس شیخ الحدیث مولـ.ـوي محمد نسیم حـ.قـ.اني، د شيخ زايد پوهنتون مرستيالانو، د پوهنځیو رئیسانو او استادانو ګډون درلود.
د شيخ زايد پوهنتون رئيس د کنفرانس ګډونوالو ته د ځان د اصلاح، مایوسۍ او بې حوصله توب څخه د ژغورولو په اړه خبرې وکړې، همدارنګه نوموړي سپارښتنه وکړه چې په راتلونکي کې په سیمینارونو، ورکشاپونو او کنفرانسونو کې ګډونوال لا په شوق ګډون وکړي او خپل مسؤلیت اداء کړي.
د شيخ زايد پوهنتون علمي څېړنو مرستيال پوهندوی دوکتور احمد جاويد شکيب د کنفرانس په اړه لنډ معلومات وړاندې کړل، نوموړي په ټولنه کې د څېړنو ضرورت، اهمیت او همدارنګه د یو هېواد او ټولنې ترقي د غوره څېړنو په اساس وبلله.
ياد کنفرانس کې چې د ژوري هیئت چارې یې د پوهنوال محمد خان نيازي، پوهنوال زرولي صدیقي او پوهنوال امان الله ځدران لخوا اداره کېدې، پوهنمل دوکتور احسان الله احسان، پوهنمل سید شاه ګل وياړ، پوهنيار امير محمد صابر، پوهنوال محمد شفیق مندوزي، پوهنوال امان الله ځدراڼ، پوهنوال مياولي شاه مياخېل، پوهنوال محمد خان نيازي، پوهنوال عبدالرحمن رحیمي، پوهنوال زرولي صدیقي، پوهنمل مشفق اصولي، پوهنمل فرید الله فرید، پوهنمل مير سبحان مجدیدي، پوهنمل سید مرجان سروري، پوهنمل فاروق جان منګل، پوهندوی دوکتور سبحان الله شهاب، پوهنمل عبدالصمد روښان، پوهنيار مسعود قائد او پوهنيار واحدالله زيار لخوا د خپلو تر سره کړیو څېړنو پایلې له ګډونوالو سره شريکې او د ټاکل شوي ژوري هیئت لخوا مثبتې و ارزول شوې.
نشراتو او عامه اړیکو آمريت
