د شیخ زايد پوهنتون له رئیس سره د خوست اطلاعاتو او کلتور رئیس د همغږۍ ناسته تر سره کړه.
په ياده ناسته کې د شيخ زايد پوهنتون رئيس شيخ الحديث مولوي محمد نسيم صاحب او د خوست اطلاعاتو او کلتور رئيس مولوي محمد صابر صابري برخه لرله، د شيخ زايد پوهنتون رياست مقام کې تر سره شوه.
په ناسته کې د دواړو لوريو له لوري په دوو اړخيزو همکاریو او خوست ولایت کې د کتابتون درې ورځني نندارتون په اړه موضوعات تبادله شول، چې ياد نندارتون به د کتاب او مطالعې ترويج په موخه په نږدې راتلونکي کې د خوست اطلاعاتو او کلتور رياست له لوري په لاره اچول کېږي، ترڅو خلک مطالعې ته و هڅول شي.
په غونډه کې د ياد نندارتون په ښه ډول تر سره کېدو په موخه د شيخ زايد او خصوصي پوهنتونونو رول مهم وبلل شو، چې د شيخ زايد پوهنتون محترم رئيس له لوري د هر ډول همکارۍ ډاډ ورکړل شو.
۱۴۴۸ هـ.ق کال د ربيع الأول ۱۶مه
۱۴۰۵ هـ.ش کال د سنبلې اتمه
نشراتو او عامه اړیکو آمریت
