د شیخ زاید پوهنتون علمي ژورنالونو لپاره نوي ويب پاڼه جوړه شوه.

د شيخ زايد پوهنتون علمي څېړنو معاونيت اړوند علمي ژورنالونو د څېړنيزو مقالو د ثبت او خپراوي لپاره د کمپیوټر ساینس پوهنځي د معلوماتي سیستمونو څانګې محصلانو؛ عصمت الله ایوبي، احسان الدین احسان، اشرف، شوکت الله، حزب الله او صدیق الله لخوا د لارښود استاد پوهنیار عبدالروف خاموش په لارښوونه پرمختللې ویب‌ پاڼه جوړه شوه.

د يادولو وړ ده چې د شيخ زايد پوهنتون علمي ژورنالونو کې د بېلا بېلو علومو په برخه کې د استادانو لخوا تر سره شوې څېړنيزې مقالې او لیکنې خپرېږي، چې تر دې دمه د يادو مقالو د چاپ چارې د شيخ زايد پوهنتون په علمي مجلو کې په چاپي بڼه تر سره کیدې او له دې وروسته به د استادانو څېړنيزې لیکنې په علمي مجلو کې د چاپ تر څنګ پر لیکه (آنلاین) ډول هم د لاس رسي وړ وي.

علمي ژورنالونو ته د ويب پاڼې لاسرسي تړونی

https://medicallearningwithpohan.com/szu/index.php

نشراتو او عامه اړیکو آمريت