د حقوقو او سياسي علومو پوهنځي نویو محصلانو ته د پوهنتون او پوهنځي پېژندنې سیمينار ورکړل شو.
د شيخ زايد پوهنتون حقوقو او سياسي علومو پوهنځي لومړي ټولګي ته نویو شاملو شویو محصلانو ته د پوهنتون او پوهنځي پېژندنې معلوماتي سیمينار ور کړل شو.
د قرآن الکریم څو مبارکو آیتونو له تلاوت څخه وروسته د سيمينار په پیل کې د ياد پوهنځي مسؤلینو لخوا محصلانو ته ښه راغلاست ووايه او د پوهنځي ارزښت تر څنګ يې د پوهنتون پېژندنې په اړه معلومات وړاندې کړل.
ورپسې د حقوقو او سياسي علومو پوهنځي استاد پوهنمل محمد ساقي عادل لخوا د پوهنتون او حقوقو او سیاسي علومو پوهنځي، کريډېت سيستم، اکاډميکو او اخلاقي اصولو، د پوهنتون رهبري، د پوهنځي اداري کارکوونکي پېژندنې تر څنګ د نورو هر اړخيزو موضوعاتو په اړه بشپړ سیمینار وړاندې کړ.
نشراتو او عامه اړیکو آمریت
