شیخ زاید پوهنتون کې د PDC د غونډو په تالار کې نن ورځ د تحقیق (څېړنې) په اړه درې ورځینی ورکشاپ دایر شو

نن ورځ د ۱۴۰۱ هـ.ل کال د میزان ۲ مه چې ۱۴۴۴ هـ.ق کال د صفرالمظفر ۲۶ نېټې سره برابره ده، د شیخ زاید پوهنتون د P D C د غونډو په تالار کې د شیخ زاید پوهنتون د علمي چارو مرستیال پوهنمل عبدالطیف رحیمي تر لارښونې لاندې د کیمي S PSS په اړه درې ورځینی ورکشاپ پیل شو.

د ورکشاپ ګډونوالو ته د شیخ زاید پوهنتون علمي چارو مرستیال پوهنمل عبدالطیف رحیمي د ښه راغلاست ویلو ترڅنګ د ورکشاپ ارایه کوونکو څخه مننه وکړه او په خپلو خبرو کې یې زیاته کړه، چې ټول استادان باید په دقیق ډول د یاد ورکشاپ څخه لازمه استفاده وکړي، دا چې په عین وخت کې د پوهنتون ټول استادانو ګډون ونه شو کړی، نو له استادانو څخه یې هیله وکړه، چې یاد ورکشاپ د ټولو پوهنځیو کې نورو استادانو ته هم دایر شي، پاتې دې نه وي چې یاد ورکشاپ کې ګډون کوونکي به په پوهنځیو کې د فرعي کمېټو په همکارۍ دېته ورته ورکشاپونه ترتیب او اریه کړي.

د نشراتو، اطلاعاتو او عامه اړیکو امریت

 د خوست شیخ زاید پوهنتون فسبو ک پاڼې ته مراجعه وکړۍ!