پوهنتونونو کې د اعتبار سند ترلاسه کولو او ساتنې په اړه د عامه پوهاوي ورکشاپ تر سره شو.
نن دوشنبه د ۱۴۰۴ هـ.ش کال د عقرب مياشتې ۱۲مه، چې د ۱۴۴۷ هـ.ق کال د جمادی الأولی مياشتې له ۱۲مې نیټې سره سمون لري، د شيخ زايد پوهنتون مسلکي پرمختيا مرکز کې د پوهنځیو رئيسانو لپاره په پوهنتونونو کې د اعتبار سند تر لاسه کولو او ساتنې په اړه د عامه پوهاوي ورکشاپ وړاندې شو.
په دغه ورکشاپ کې پوهنتونونو کې د اکاډميک اعتبار پروسه، د اعتبار تر لاسه کولو او ساتنې پروسه، د کيفيت تضمين او اعتبار ورکؤنې لپاره د نوي چوکاټ عمومي جوړښت او معیارونو، د هرې مرحلې لپاره د تعيين شوي چکليست، ټاکل شويو نومرو او فيصدۍ معلومولو، د لومړۍ او دوهمې دورې د اعتبار ساتنې او د دايمي اعتبار ساتنې شرايطو، د شيخ زايد پوهنتون د لومړۍ دورې د اکاډميک اعتبار سند ساتنې په اړه بشپړ معلومات وړاندې شول.
ياد سیمینار د شیخ زايد پوهنتون علمي چارو معاونیت اړوند استادانو مسلکي پرمختیا مرکز او تضمين کیفيت آمريت په ګډه همکارۍ برابر شوی و، چې د تضمین کیفيت آمر پوهنوال حسام الدین رحیم زي لخوا وړاندې شو.
نشراتو او عامه اړیکو آمريت
