د شیخ زاید پوهنتون او طلوع افتاب لوړو زده کړو مؤسسې ترمنځ همکاریو هوکړه لیک لاسلیک شو
نن ورځ ( ۱۳۹۹/۱۱/ ۶)د شیخ زاید پوهنتون او طلوع افتاب لوړو زده کړو مؤسسې ترمنځ په اتو مادو کې د پنځو کالو لپاره د علمي همکاریو هوکړه لیک د شیخ زاید پوهنتون رئیس پوهنمل حسین ګل اریوبي او د طلوع افتاب لوړو زده کړو خصوصي مؤسسې رئیس حکیم الله سهیلي لخوا د پوهنتون ریاست مقام کې لاسلیک شو.
د شیخ زاید پوهنتون رئیس پوهنمل اریوبي د طلوع افتاب مؤسسې مسؤلینو ته ډاډ ورکړ ، چې د یاد هوکړه په اساس به د شیخ زاید پوهنتون علمي کادرونه په علمي برخه د هیڅ ډول همکاریو دریغ ونکړي.
په یاد هوکړه لیک کې مشترک علمي پروګرامونه، د استادانو او محصلینو ترمنځ د علمي تجربو تبادله، علمي تحقیقات، ورکشاپونه، سمینارونه،کنفرانسونه، د نصاب د مفرداتو ترتیب، کیفیت لوړونې او ارزونې، د محصلینو جذب، د علمي او اداري موارېدو او معلوماتو په برخه کې دوه اړخیزې مرستې شاملې دي.
د شیخ زاید پوهنتون رهبري تل په دې هڅه کې ده، چې د دولتي پوهنتونو تر څنګ د خصوصي علمي مؤسساتو محصلینو ته هم په هره برخه کې ښه زمینه مساعده شي، چې په عملي زده کړو کې د وخت غوښتنو مطابق وروزل شي
