د معلوماتي سیستمونو څانګه
پوهنیار ګوهرشاه ګوهري
د معلوماتي سیستمونو څانګې امر
د امر لنډ ژوند لیک:
پوهنیار ګوهرشاه ګوهري د الحاج مالک شاه زوی او د مرحوم الحاج سرښوونکي سلطان شاه لمسی او د افغانستان د خوست ولايت د مرکز لکڼو د سپينکيو بړيو کلي اوسيدونکی دی. نوموړی په ۱۳۶۵ ه ش کال کې د خوست ولايت د مرکز اړوند د سپينکيو بړيو په کلي کې نړۍ ته سترګې پرانستې دي . په ۱۳۷۹ هـ ش کال کې د خوست ولايت د مرکز لکڼو په عالي ليسه کې شامل او په ۱۳۸۴ هـ ش کال کې د يادې ليسې د دوولسم ټولګي څخه په عالي درجه فارغ شوی. په ۱۳۸۶ کال کي د کانکور د ازموينې وروسته د شيخ زايد پوهنتون د کمپيوټر ساينس په پوهنځی کې شامل او په ۱۳۸۹ کال کې د نوموړي پوهنځی څخه په عالي درجه فارغ او د فراغت ديپلوم ترلاسه کړ. تر فارغيدو وروسته نوموړي د شيخ زايد پوهنتون دکمپيوټر ساينس په پوهنځی کې په پلازمينه کابل کې د کادري ازموينې له برياليتوب څخه وروسته په ۱۳۹۰ هـ ش کال کې د شیخ زاید پوهنتون، کمپيوټر ساینس پوهنځی د معلوماتي سیستمونو څانګې د علمي کادر د غړي په توګه وټاکل شو. په ۱۳۹۳ کال کې د ازاد رقابت له لارې د شیخ زاید پوهنتون د مالي او اداري چارو مرستیال په صفت په دویم بست کې تقرر حاصل کړ، او د دوه کاله خدمت کولو څخه وروسته په ۱۳۹۵ کال کې کابل ته د ماستری دورې زده کړو لپاره په رسمي بورس معرفي شو، په کابل کې يې د باختر پوهنتون څخه د کمپيوټر ساینس(سافټ وئیر انجینرېنګ) په برخه کې د تخصصي زده کړو ترلاسه کولو وروسته د ۱۳۹۷ کال په نیمايي کې بیرته شیخ زاید پوهنتون ته راستون شو.
پوهنیار ګوهرشاه ګوهري تر اوسه پوري په شيخ زايد پوهنتون کې لاندې فعاليتونه او دندې ترسره کړيدي:
۱. د پوهنتون د علمي شورا غړی
۲. د شیخ زاید پوهنتون د پوهنیزې مجلې مسؤل مدیر
۳. د شيخ زايد پوهنتون د پوهنيزې مجلې د تحریر هیئت غړی او کمپوزر
۴. د شیخ زاید پوهنتون د PDC بورډ غړی
۵. د شیخ زاید پوهنتون د OBE/SCL کمېټې غړی
۶. د شیخ زاید پوهنتون د انګلیسي ژبې او کمپيوټر زده کړې مرکز مشر او استاد
۷. د کمپيوټر ساينس پوهنځی سرپرست مرستيال
۸. د کمپيوټر ساينس پوهنځی د کمپيوټرساینس عمومي ديپارتمنټ سرپرست آمر
۹. د پوهنځی د علمي شورا، اداري شورا، نصاب کمېټې، الکترونیکي کمېټې، او تضمین کیفیت کمېټې غړی
۱۰. د پوهنځی د ازموینو کمېټې مشر او غړی
۱۱. د پوهنځی د OBE/SCL کمېټې مشر
۱۲. د ديپارتمنټ د علمي شورا غړی
۱۳. د دیپارتمنټ شورا او تضمین کیفیت کمېټې مشر
پوهنیار ګوهرشاه ګوهري د ۱۳۹۷ کال په پای کې د کمپیوټر ساینس پوهنځی د معلوماتي سیستمونو څانګې د سرپرست او د ۱۳۹۸ کال د ثور په میاشت کې د رسمي آمر په توګه دنده پيل کړه. چې د خپلو هیوادوالو لپاره د خپلې پاکې دندې(استادی) تر څنګ د معلوماتي سیستمونو څانګې د آمر په صفت خدمت وړاندې کوي.
د ۱۳۹۸ کال د ځان ارزونې د راپور بشپړونې په اړه د څانګې آمر پیغام
د کمپيوټر ساینس په ځانګړي توګه د معلوماتي سیستمونه علم او پوهه په افغانستان کې د زده کړې تقریباً نوي ساحه ده او له همدې امله د شیخ زاید پوهنتون د کمپیوټر ساینس پوهنځی د معلوماتي سیستمونو څانګه به له ستونزو خالي نه وي او زیاتې ننګونې يې پر مخ پرتې دي، چې مونږ يې د حل کولو لپاره په شریکه کار او هلې ځلې کوو. د ډېرو ننګونو د شتون سره، سره بیا هم په ۱۳۹۸ کال کې مونږ زیاتې لاس ته راوړنې درلودلې چې د نمونې په توګه يې له تاسو سره شریکوو:
- د څانګې لپاره کلنۍ کاري پلان ترتېب، تطبیق او ګزارش يې له پوهنځی او سره شریک شوئ دی.
- د معلوماتي سیستمونو د څانګې شورا په ۱۳۹۸ کال کې (۱۰) جلسې دائيرې کړي دي، چې د ټولو جلساتو پرېکړې يې په ښه طریقه سره د تطبیق شوي دي.
- همدا ډول د معلوماتي سیستمونو څانګې د تضمین کیفیت کمېټې په ۱۳۹۸ کال کې (۱۰) د کیفیت لوړولو په موخه جلسې دائيرې کړي دي، چې د څانګې په علمي او تدریسي چارو کې يې پوره کیفیت رامنځ ته کړئ دی. د څانګې شورا او تضمین کیفیت کمېټې د جلساتو ټول ګزارشات د پوهنځی او ټولو استادانو سره د تطبیق او هدایاتو لپاره لېږل شوي دي.
- د څانګې د استادانو لپاره مو په (۲۱) مواردو کې کلنۍ دوسيې ترتېب کړي دي، او ټول موارد يې بشپړ شوي دي.
- د تضمین کیفیت د چارچوب او رهنمود مطابق د معلوماتي سېستمونو څانګې (۱۹) ګونې موارد بشپړ شوي دي.
- د کیفیت د لوړاوي او اعتبارورکوونې په (۱۱) ګونو معیارونو کې د ځان ارزونه ترسره شوي ده.
- د ځان ارزونې په پایله کې د رابرسېره شویو ستونزو او نیمګړتیاوو لپاره د ځان ارزونې عملیاتي پلان (SAAP) ترتېب شوي دی.
- د مسیر یابي (TD) سند ترتېب شوي دی.
- د ۱۳۹۸ کال د پسرلني او خزاني دواړو سمیسترونو لپاره د تدرېس د ښه والي پلانونو ترتېب او تطبیق شوي دي.
- د دواړو سمیسترونو د تدریس د ښه والي پلانونو او نورو علمي او تدریسي چارو ګزارشات له پوهنځی سره شریک او تائید شوي دي.
- د څانګې د ټولو استادانو د ۱۳۹۸ کال د پسرلني او خزاني سمېسترونو مضمونونو لپاره انفرادي عملیاتي پلانونه او کورس پالیسۍ ترتېب او تطبیق شوي دي.
- د څانګې د ټولو استادانو په (۱۱) اونۍ کې د ځان ارزونه او په (۱۳) اونۍ کې د څانګې او هیئت لخوا د محصل په واسطه د دوی ارزونه ترسره شوي ده.
- د پايلو پر بنسټ زده کړې/محصل محوري تدرېس درسي مېتودونه تر ډېره عملي شوي دي.
- د تدریسي بهیر د هر ساعت څخه نظارت ترسره شوئ ، پخپله استاد ته فیډبک او د پوهنځی ریاست ته يې ګزارشات لېږل شوي دي.
- په ۱۳۹۸ کال کې د لومړي ځل لپاره د څانګې دوره يي کتنې لپاره هیئت ټاکل شوئ دی، او په نږدې راتلونکې کې به يې چارې بشپړې شي.
- د ۱۳۹۸ کال د معلوماتي سیستمونو پروګرام کلنۍ څار د استادانو د یوې کمېټې لخوا په جریان کې دئ. او د کیفیت لوړاوي په خاطر همداسې نور فعالیتونه ترسره شوي دي.
د معلوماتی سیستمونو څانګه په دې ویاړي، چې د شيخ زايد پوهنتون د نورو پوهنځیو د څانګو په څير يې د لوړو زده کړو وزارت د کيفيت د لوړاوي او اعتبار ورکوونې د معيارونو مطابق د ځان ارزونې همدا ګزارش ترتیب او د کيفيت د لوړاوي د رهنمود مطابق د نورو څانګو په څير کړنې ترسره کوي.
د معلوماتي سیستمونو څانګې د خدمتګار او آمر په توګه د څانګې د تضمین کیفیت د ۱۳۹۸ کال په کمېټه کې د محترمو غړو استادانو هر یو( پوهنمل صالح خان صالح ، پوهنیار میرویس تڼی ، پوهنیار محمد انور انور، پوهنیار اسدالله قرار) او د منشي په توګه د محترم پوهنیار نجیب الله سادات هڅې، چې د پوهنتون، کمپیوټر ساینس او په ځانګړي توګه د معلوماتي سیستمونو څانګې د تدریسي، علمي او اداري پرمختګونو او کیفیت لوړولو لپاره يې ترسره کړي دي، له ټولو څخه د زړه له تله مننه او د دوی پیاوړي ارادې او ښه خدمت کولو زیاته ستاینه کوم. همیشه ورته په ټولو علمي او تدریسي چارو کې بریالیتوبونه غواړم. د معلوماتي سیستمونو څانګې د ټولو چارو انکشاف او پرمختګ د استادانو د شریک او ګډ کار نتېجه ده، چې په دې راپور کې له تاسو سره شریک کیږي.
مونږ لا هم ژمن یو، چې د لوړو زد کړو د کیفیت په ښه کولو کې به هر ډول هلې ځلې او مرستې دریغ نه کړو او د معلوماتي سیستمونو څانګې د موخو لاس ته راوړلو ترڅنګ به بهتر خدمتونه خپلو هیوادوالو او د پوهې مینوالو ته وړاندې کړو.
د معلوماتي سیستمونو څانګې په اړه نور دلته>>
کورپاڼه>>