د انجينري پوهنـــځي تاريخچه:

افغان پوهنتون   چې په ۱۳۸۱ کال کې له خیبر پښتونخوا څخه خوست ولایت ته را انتقال شو، چې  د متعددو پوهنځیو په شمول انجینري پوهنځی هم  په کې  شمولیت درلود، چې  د پخواني جمهور ریس حامد کرزي په په ځانګړي فارمان نوموړی پوهنتون د شیخ زاید په  نوم سره رسما دلوړو زده کړو وزارت په چوکاټ کې یو رسمي پوهنتون وشیمرل شو نو بناً انجینري پوهنځی هم  په ۱۳۸۱ کال کې په همدي پوهنتون کې فعالیت  درلود، چې په لومړیو کالونو کې یې د استادانو او محصلینو شمیر کم وو  مګر د اوس وخت لپاره الحمد لله  تدریسي بلاک په اختیار کې لري. انجینري پوهنځي فعلاً درې دیپارتمنتونه لري چې مهندسي، سېول او د تخنیکې علومو ديپارتمنتونه  دي. همدا اوس د دې پوهنځي د سېول په لومړي ټولګې کې (۷۶) تنه، په دوهم ټولګې کې (۸۴) تنه، په دریم ټولګې کې، (۰) تنه او په څلورم ټولګې کې (۱۰۵) تنه محصلین دي چې ټـــــــــــول ( ۲۶۵) تنه محصلین کیږي د مهندسي څانګې په لومړي ټولګې کې (۷۸) تنه، په دوهم ټولګې کې ( ۷۸) تنه، په دریم ټولګې کې ( ۰) تنه، په څلورم ټولګې کې ( ۸۵) تنه او په پنځم ټولګې کې (۵۲) تنه محصلین چې ټول (۲۹۳) تنه کیږي په زده کړو بوخت دي. د انجینري پوهنځی د اوس وخت لپاره (۲۵) تنه استادان، تدریسي مدیر، اجرائيه مدير، یو خانه سامان، دوه تنه لابرانتان، دوه د شپي څوکیدار او دوه د ورځي ملازمان لري. د انجینري پوهنځی د (۲۵) تنو استادانو څخه (۶) تنه ئې د ماسټري بورس کې او يو تن د دوکتورا په زده کړو کې مصروف  دي، او پاتې (۱۹) تنه په خپله پوهنځی کې درسي مکلفیت پر مخ بیائي. په انجینري پوهنځی کې د سېول تر څنګ د مهندسۍ او تخنیکي علومو څانګې هم جوړې شوېدي د انجینري پوهنځی د استادانو له جملې څخه په سېول څانګه کې لس (۱۰) تنه استادان تدريس پرمخ بيايي، په مهندسي څانګه کې اته (۸) تنه استادان په تدریس بوخت دي او د تخنیکي علومو په څانګه کې (۷) تنه استادان مؤظف دي.

د شیخ زاید پوهنتون او د انجینري پوهنځی رهبري زیار باسي ترڅو، په نوموړي پوهنځی کې د سړک او هايدروتخنيکي څانګې ایجاد شي.  د يادو دواړو څانګو رامنځته کولو ته د انجینري پوهنځی په پنځه کلن ستراتيژيک پلان کې هم ځای ورکړل شوی دی. پدې دواړو څانګو کې درې، درې تنه استادان مقرر شويدي همدارنګه پدي اړه لوړو زده کړو محترم وزارت ته هم وړاندیزونه شوي دي او کار ېې تر ډېره حده تر سره شوی دی.