د شیخ زاید پوهنتون عمومي کتابتون په اړه بشپړ معلومات

شیخ زاید پوهنتون چې، له  افغان پوهنتون د کوزې پښتونخوا پيښاور ښار څخه خوست ولایت ته رانتقال شو او دلته یې په فعالیت پیل وکړ، له نورو ستونزو سره سره یې د کتابتون ستونزه هم موجوده وه، په لومړیو کې کتابتون په نشت حساب وو، خو له نیکمرغه کله چې د متحده عربي اماراتو  لخوا د دغه پوهنتون لپاره نوې وداني جوړه شوه او دلته یې په فعالیت پیل وکړ، د وخت د انجینرانو لخوا ددغه نوې ودانۍ په ډيزاین کې هم د کتابتون وداني موجوده نه وه.

په هغې وخت کې چې ډيری موسسو او نورو علمي بنسټونو د کتاب په برخه کې د مرستې پوره علاقه درلوده، خو له بده مرغه چې په شېخ زاید پوهنتون کې د کتابتون د ودانی نشتون ددې لامل شو، چې محصلین او استادان د کتابونو د مطالعې څخه بې برخې شول.

کله چې ګڼو ادارو په ځانګړي توګه د اېشیا فونډېشن موسیسې ددغه پوهنتون سره د زرګونو کتابونو مرسته وکړه، نو د پوهنتون د وخت شته ادارې وپتېیله چې، د دغه پوهنتون د زراعت پوهنځي په یوه ټولګي کې فعالیت پیل کړي، چې وروسته همداسې وشول.

خو په هغه وخت کې کتابتون نه کوم رسمي مدیر درلود او نه هم کوم معیاري اصول، سیستم غیرې معیاري او د کتابتون چاپېریال هم په نشت حساب و.

شاوخوا پنځه کاله دغه کتابتون د بېلابېلو استادانو لخوا په غیرې منظم شکل پر مخ یوړل شو، خو یوه لویه لاسته راړونه د زیاتو کتابونو پیدا کول وو، چې د بېلا عوضه مرستې په توګه د مختلفو بنسټونو لخوا تر لاسه شول، خو د ځای د نشتون له امله دغه کتابونه چې شمېر یې زرګونو جلدونو ته رسېده په یوه ګودام وساتل شول، چې د هغې وخت محصلینو او استادانو ترې استفاده په پوره ډول ونه شوه کړای.

کله چې د ولسمشرحامد کرزي تر قیادت لاندې افغان انتقالي حکومت د نظام د بهبود او معیاري کېدو په موخه په ټولو ملکي ادارو کې مختلف بستونه اعلان کړل، نو د شېخ زاید پوهنتون د وخت شته ادارې هم له موقع نه په ګټې اخیستنې د اړتیا وړ نورو خالي بستونو تر څنګ د دغه پوهنتون د کتابتون لپاره په(۳) بست کې امر،په (۴) بست کې عمومي مدیر اوپه (۵) بست کې د کارت او کتلات بستونه له قانوني مراحلو طی کولو وروسته د یو خدمتي کارکوونکي په شمول د کتابتون لپاره پورته ذکر شوي مامورین استخدام کړل او د کتابتون مسولیت یې دغو کسانو ته وسپاره.

دغو ذکر شویو مدیریتونو هم د ځاي او ودانۍ د نشتون له کبله د کتابتون په همدې پخوانۍ ودانۍ کې خپل فعالیت شروع کړ، خو د پوهنتون د وخت د شته ادارې چې په راز کې یې پوهنوال محمد رسول باوري قرار درلود چې د نشایې توکوپروړاندې د مبارزې وزارت هغه امتیازي او افتحاري بودیجه چې دغه ولایت ته ددې په موخه ورکول کېده، چې په دې ولایت کې کوکنار په نشت حساب دي، دغو چارواکو  اړتیاوو ته په کتو دغه دنشایې توکوپرخلاف دمبارزې ریاست دښه کارپه بدل کې افتخاري بودیجه د شیخ زاید پوهنتون د کتابتون ودانۍ ته ځانګړې کړه.

د کتابتون د دغه نوې ودانۍ د بنسټ ډبره چې د (۱۸۱۲۹۳۰)اتلس مېلیونه دولس زره نهه سوه دېرش افغانۍ په ارزښت جوړېده، دنشه یې توکوپروړاندې د مبارزي ریاست په وړاندیز د ولایت مقام په منظوری په خوست کې د نشه یې توکو پر وړاندې د مبارزې سيمه ییز رئيس میرناګل تڼیوال لخوا کېښودل شوه، چې باالاخره دغه وداني په دوو کالونو کې بشپړه شوه، په ۱۳۹۳هـ ش کال کې له پخواني کتابتونه دغې نوې ودانۍ ته ټول کتابونه رانتقال شول چې، د نوي کتابتون د فعالېدو سره سم نړیوال بانک هم د پوهنتون د اداري اجناسو د اخېستو پر وخت دغې کتابتون ته ټول هغه امکانات چې کتابتون ورته اړتیا درلوده واخیستل، چې له دې سره د کتابتون د ودانۍ تر څنګ تحنیکي ستونزې هم تر ډېره بریده هوارې شوې.

د کتابتون پرسونل هم د خپلو امکاناتو نه په استفادې کتابونه په نوي ودانۍ کې په منظم ډول ځای پر ځای کړل. د محصلینو او استادانو د اسانتیا په موخه یې په زرګونو کتابونه کمپیوټري ډیټابیس ته داخل کړل. په کتابتون کې یې د کتاب موندنې لپاره ګڼ پروګرامونه جوړ کړل، تر څو محصلین او استادان د خوښې وړ کتاب په کمه موده کې په زرګونو کتابونو کې پیدا کړي او ترې سالمه استفاده وکړي.

دغه نوې وداني دوه تلارونه لري، چې یو یې د اداري غونډو او بل یې هم د کتابتون لپاره ځانګړی شوی، چې هر یو یې د شپېتو کسانو د ځایدو وړتیا لري. په یاد شوي کتابتون کې د مطالعې لپاره ځانګړي مېزونه ځای پر ځای شول، چې اوس هم ګڼ شمېر محصلین او استادان ترې استفاده کوي.

ددې تر څنګ په دې نوې ودانۍ کې څلور اطاقونه جوړ شوي، چې دوه یې اداري او دوه نور هغه یې د کتابونو د ګودام لپاره ځانګړي شوي دي.

د لوړو زده کړو وزارت د لایحو او مقررو سره سم کتابتون او معلوماتي تکنالوژي د یوامر تر قیادت لاندې خپل فعالیت شروع کړ، چې د دغه امریت په لومړي تشکیل کې حمیدالله سردارخېل  د کتابتون او معلوماتي تکنالوژۍ  د امر په توګه، قادرګل سنګین د کتابتون دعمومي مدیر په توګه، هلال حسیني د کارت او کتلاک مدیر په توګه، جنت خان منګل د معلوماتي تکنالوژۍ د عمومي مدیر په توګه او  فریدالله مفکر د ویډيو کنفرانس د مدیر په توګه په رسمي ډول د دغو اداراتو لپاره د لومړیو اداري کارکوونکو په توګه معرفي شول پاتې د نه وي چې، د ذکر شوي تشکیل لپاره دوه تنه خدمتي کارکوونکي هم په واک کې ورکړل شول، تر څو د یادو ادارو د نظافت او چاپېریال ساتنې لپاره خپل کارونه پر مخ یوسي.

د کتابتون  سیستم:

هر رسمي کتابتون چې په دولتي او یا غیرې دولتي ادارو کې شتون ولري، د حاصو  ځانګړتیاوو او خصوصیاتو څخه برخمن وي، خو دا ځانګړتیاوې داسې یو پېژندل شوي او  منل شوی اصل نلري، چې په ټولو  کتابتونونو  کې یو ډول تطبیق شي، د نړۍ اکثریت  کتابداران او د کتاب متخصیصین په دې اند دي او په دې اصل هوکړه هم شوې، چې هر  څوک د خپلو کتابونو، کتابتونونو او خپلو مراجعینو ته په کتو خپلو کتابتونونو ته پاليسۍ او ځانګړتیاوې جوړې کړي، ځکه که چېرې دا ځانګړتیاوې  په نړیواله  کچه د یو اصل په  توګه جوړې شي، شاید د یوې  سیمې خلک  د  نورو  سيمو د خلکو سره توپیر ولري، چې  په پای کې دغه د نورو سیمو تپل  شوې  پالیسۍ د نورو سیمو په خلکو نه شي تطبیق  کېدای، همدې  نظر ته په کتو د شېخ زاید پوهنتون ادارې او د کتابتون مسؤلینو خپلو مراجعینو او کتاب لوستونکو ته په کتو ددې  پوهنتون د کتابتون د تنظیم لپاره یو شمېر  قیودات وضع  کړي، چې  یاد شوي  قیودات  د  لاندې  ځانکړتیاوو څخه برخمن دي.

۱- د ټولــــــــو پوهنځیو کتابونه کمپیوټري لېست شوي دي.

۲- د هر پوهنځي لپاره المارۍ او کتابونه ځانګړي شوي دي.

۳- د ټولو پوهنځیو المارۍ چې کتابونه پکې شتون لري،  په انګلېسي حــــــروفو بانــــــــــــدې طبقه  بندي  شوې دي.

۴- د هر پوهنځي لپاره  ځانګړې المارۍ ترتیب او په الماریو کې د (AترZ) پورې په  حروفو باندې  وېشل  شوي دي.

۵- د محصلینو لپاره د هر پوهنځي ځانګړي کمپیوټري لېستونه پرینټ شوي دي، تر څو محصلین په اسانۍ سره د خـــــــــــــپلې خــــــــــــــــــوښې کـــــــــــــــــتابونه  پیــدا کړي.

۶- د هر پوهنځي مونوګرافونه چې په کتابتون کې شتون ولري، د محصلینو د استفادې لپاره په ځانګړې الماریو کې د اړوند  پوهنځي مونوګرافونه ترتیب او ځای پر ځای شوي دي.

۷- د محصلینو د ثبت او راجسټر لپاره د هر پوهنځي لپاره ځانګړي کتابونه او کمپیوټري ډیټابېس شتون لری، ترڅو د کتاب د وړولو په بدل کی د اړوند پوهنځي د محصل د کتاب او د کارت شهرت په کې ثبت او راجسټر شي تر څو د کتابونو قانوني مراحل ترسره شوي وي.

۸- د محصلینو لپاره د مجلو او داسې نورو قضایي،  حقوقي، مجلو، رسمی جریدو، د پوهنتونونو مجلو څخه ځانګړی کلیکسیون ترتیب او جوړ شوی دی، تر څو محصلین ور څخه په اسانۍ سره استفاده وکړي.

۹- د ۱۳۹۷کال په پیل سره به د شیخ زاید پوهنتون کتابتون ډیجیټل یا انلاین کتابتون هم ولري چې همداوس پرې کار روان دی، په دې سره به استادان او محصلین وکولای شي چې خپل د خوښې اړوند کتابونه په انلاین ډول وګوري او تر څنګ یې ټول هغه باقیات چې دوی لري د نړی په هر ګوټ کې چې وي وګوري، دغه انلاین سیستم به د کوها سیستم له طریقه ثبت شې چې دا یو نړیوال منل شوی سیستم بلل کیږي او د نړی اکثریت پرمختللي کتابتونونه له دې سیستم څخه کار اخلي.

د کتابتون اصلي اهداف د لاسته راوړلو لپاره باید کتابتون د ټولو مختلفو شعباتو تر مینځ هماهنګي او همدا راز د ټولو شعباتو د وظایفو تشریح باید د کتابتون د پالیسۍ  لپاره  جوړه  شوې وي.

- ټول هغه  محصلین چې  کتابتون  ته داخلېږي باید د پوهنتون د هــــــــــــویت کـــــــــــــــــارت په غــــاړه ولري.

- کوم محصل چې کتابتون ته داخلېږي باید ورسره ټول کتابونه، بکسونه د کتابتون په ځانګړي مېز باندې کیږدي.

- په کتابتون کې د هر پوهنځي لپاره ځایونه او المارۍ  مشخصې شوې دي. هېڅ څوک  حق  نلري،  چې د یوې  المارۍ  کتابونه بلې  المارۍ ته د یوي پوهنځي کتابونه د بل پوهنځي له کتابونو سره ګډ کړي، هر کتاب چې په کوم ډول اېښودل  شوي  وي، د راخېستلو وروسته یې په خپل ځای کې په منظم ډول کیږدي.

- په  کتابتون  کې د ننه په زوره خبرې کول یا په تیلیفون کې غږېدل جدآ بند دي.

- یو شمېر هغه المارۍ چې بندي دي او کتابونه یې ثبت شویدي او هغه دفترونه چې  د کتابتون د کارمندانو لخوا بند شویدي پرته د کتابتون د کارمندانو بل هېڅ څوک  حق نلري چې خلاص یې کړي.

- کله  چې محصل ته کتاب توزیع کیږي، باید د هویت کارت له ځان سره ولري یا  د پوهنځي تصدیق راوړي. یو کتاب  یوه اونۍ  وخت  لري، که  کوم محصل کتاب  د خپل وخت څخه وځنډوه، د ورځې (۵۰) افغانۍ  جریمه  کیږي، بیا د شکایت حق  نه لري.

- هغه طبي او د انجینري کتابونه چې سیي ډي ګانې ولري، محصل یې د وړلو  اجازه نه لري، په داخل د کتابتون کې ورڅخه استفاده کولای شي او همدارنګه  محصل باید فلش د ځان سره ولري، ترڅو مونږ ورته سافټ کاپي د سیډي له لارې  ولېږو.

- که کوم محصل په کتاب کې پرته د خپل نوم نه (هغه هم په پنسل) اضافي لیکل  په قلم باندې وکړل، یا یې  څېري  کړی وه، نو محصل مکلف دی چې، دا کتاب به  نوی کتابتون ته اصول کوي.

- په پورته یادو شوو مادو کې د کتابتون کار کوونکي صادق دي او ژمنه  کوي  چې هېڅ ډول به ترې ناوړه ګټه نه پورته کوي، ددې تر څنګ یې ټول محصلین  باید ذکر شوې پاليسي په ځان تطبیق کړي، که هر محصل ترې سرغړونه  وکړه،  نو د پوهنتون ریاست ته به معرفي کیږي، څه ډول چې ریاست مقام لازم وبلل د  نوموړي محصل په هکله یې هر ډول پرېکړه وکړه، د  پوهنځي له لارې به په  نوموړي محصل تطبیق کیږي.

- د کتابتون ټول کار کوونکي د دغې پاليسي د تطبیق په وخت کې باید د درې کسیز هئت په توګه وکاروي، هر څومره پیسې چې جمعه کیږي، باید ددې هئت په حضور په یوه ځانګړی لیست کې ثبت کړای شي او د دریو واړو لاسلیکونه پکې موجود  وي.

د کتابتون لپاره معمولاً یو څو نفري هیئت چې د کتابتون د مدیر په شمول، د هرې یوې شعبې څخه یو مدیراو ورسره د پوهنتون مهم او علمي اشخاص، لکه: معاون علمي، معاون مالي او اداري او همدا شان د پوهنتون د رئیس له خوا یو نماینده،  چې د کتابتون د ستراتیژۍ او پالېسي په جوړولو کې مهم رول لري تعین کړي، چې یاده شوې پاليسي  باید د تصویب لپاره د پوهنتون رئیس ته یوړل شي، چې له هغې وروسته به نوموړې  پالېسي د تطبیق وړ وي.

ارزښتونه:

د علمي او اکاډمیکو پوهانو له نظره کتابتون په ټولو علمي بنسټونو کې د ملا د تیر حیثیت لري. که په کوم ښوونځي، پوهنتون یا کومه بله علمي اداره کې کتابتون شتون ونلري، نو د هغې ادارې ټول محصلین او استادان به نه یواځې د پوره مطالعې خاوندان نه شي، بلکې د شته نړیوالو پرمختګونو او نوښتونو څخه به بې برخې وي.

په وروستۍ ۲۱ تمه پېړۍ کې تر ډېره بریده د کتاب د مطالعې د فرهنګ پر کمزورتیا خبرې کیږي او تر ډېره حده پدې  اتفاق هم شوی دی، چې کتاب لوستنه په هغه ډول چې په تېرو پېړیو کې مروجه وه، اوس په هغه ډول نه ده، چې دې کار ګڼ شمېر ستونزې هم پیدا کړي، یوه یې له دغو ستونزو داده چې استادان د تحقیق او رېسرچ لپاره کتابونه، نه لولي، دوي کتابتونونو ته مراجعه نه کوي او د نړۍ له نويو ابتکاراتو څخه ځانونه نه خبروي، چې دې کار له یوې خوا د محصلینو په زده کړو بده اغیزه کړې. استادان ورته نوي معلومات نه ورکوي، محصلین همغه د تېرو وختونو زاړه کتابونه او معلومات لولي چې په پایله کې ټول فارغ شوي محصلین همغه پخوانۍ مفکورې لري او  په ادارو کې هم د تېرو وختونو چارې پرمخ وړي، چې په ټوله کې یې د ټولنې او ولس لپاره د کار د خنډ او ځنډ سبب شوي دي.

که چېرې استادان په سمه توګه ریسرچ، تحقیق او پلټنې وکړي، والدین خپلو بچیانو ته په کورونو کې کوچني کتابتونونه جوړ کړي، په ښوونځیو کې د مطالعې د فرهنګ مروجولو لپاره قیودات وضع شي، د هېواد د معارف په شته سېستم کې د کتاب لوستنې مضمون هم وراضافه شي، نو تر ډېره بریده به دغه فرهنګ پیاوړی شي.

په اوسني عصرکې بل عمده دلیل، چې د کتاب لوستنې فرهنګ یې کمزوری کړی، نړیوال جال یا انټرنیټ دی. که څه هم چې د انټرنیټ په راتګ سره له نړۍ څخه نړیوال کلی جوړ شو، ولسونه او خلک له یو بل سره د نړۍ له یوه کونجه تر بل کونجه سره وصل شول، معلومات زیات شول، همدا شان ګڼې نورې اسانتیاوې او سهولتونه رامنځ ته شول، خو له بده مرغه چې همدې انټرنیټ او فېسبوک د مطالعې فرهنګ تر خپلې اغیزې لاندې راوستی چې اوس ګڼ شمېر زده کوونکي محصلین او ان استادان په دې برخه بوخت دي.

ډېر شمېر خلکو ته دا ستونزمنه ښکاري چې څنګه کتابتون جوړ کړي، لومړۍ او وروستۍ چارې یې څنګه تر سره کړي، خو په حقیقت کې دا کار هېڅ ستونزمن نه دی، که په اونۍ یا لږ تر لږه په دوو اونیو کې دعلاقې وړ یو کتاب راونیول شي، له مطالعې وروسته په کتابتون کې ځای پر ځای شي او له هغې وروسته بل واخلي او دا لړۍ همداسې جریان ولري او د مطالعې لپاره ځانګړی وخت وټاکي لرې نده چې په کم وخت کې به یو ښایسته کتابتون ولري.

خو یوه اړینه خبره دا ده، کله مو چې یو کورنی کتابتون جوړ کړ، نو په کار ده چې په دغه کتابتون کې څانګې او برخې په نښه او د هرې برخې کتابونه په ځانګړي ځای کې جدا کیښودل شي او د المارۍ په هره څانګه د پوهنځي  او خپلې برخې اړونده لېبل ولګول شي، څو بل څوک ترې په اسانۍ سره استفاده وکړي.

اهداف:-

  • د ټولو پوهنتونونو  د تدریسي  پروګرامونو څخه ملاتړ.
  • د پوهنتونونو د تحقیقاتی پروګـــرامونو څــــــخه ملاتړ.
  • د ضرورت مطابق  لوړو  او مناسبو سرچینو ته د لاس رسي لپاره د استادانو او محصلانو د تشویق په خاطر تحقیقاتو ته زمینه برابرول.

 

د کتابتون  امریت تشکیل

ګڼه

نوم او تخلص

دنده

تحصیل درجه

ګرځنده شميره

برښنالیک

۱

حمیدالله سردارخیل

د کتابتون او(IT)امر

لیسناس

۰۷۷۹۸۲۲۴۹۲

hamid.esrar@gmail.com

۲

قادرګل سنګین

د کتابتون عمومي مدیر

لیسانس

۰۷۶۵۵۱۹۳۲۰

Qadir.sangin@gmail.com

۳

هلال حسیني

د کارت او کتلاک مدیر

لیسانس

۰۷۷۷۷۳۰۱۱۴۸

hilal.hussainyszu@gmail.com

hilal.hussainyszu@gmail.com

 

۴

 

 

 

 

 

۵

 

 

 

 

 

۶

 

 

 

 

 

۷

 

 

 

 

 

۸

 

 

 

 

 

 

 

 

د کتابتون آمر حمیدالله سردارخیل لنډه پیژندنه(بیوګرافي):                              

حمیدالله سردارخیل د یعقوب زوی د قاضي عبدالله جان لمسی د خوست ولایت مرکز شمل بنګي باغ کلي اوسیدونکی دی او په ۱۳۶۵ هـ ش  کال په خپل پلارني ټاټوبي کې  زیږیدلی دی، د خوست ولایت مرکزغرغښت عالي لیسي ته په ۱۳۷۱هـ ش کال کې شامل او په ۱۳۸۳هـ ش کال کې له همدې لیسې څخه فارغ شویدی.په ۱۳۸۴هـ ش کال کې د کانکور په ازموینه کې د خوست ولایت شیخ زایدپوهنتون،ښوونې او روزنې پوهنځۍ د ریاضي او فزیک ډیپارټمنټ ته کامیاب شواو په ۱۳۸۸هـ ش کال کې یې د لیسانس(فراغت) سند ترلاسه کړ. د مکتب په دوران کې یې انګلیسي او کمپیوټري کورسونه او پروګرامونه تعقیب کړيدي او په دې برخه کې یې پوره معلومات ،تجربې او سندونه ترلاسه کړیدي.د فارغیدو سره سم یې د شیخ زایدپوهنتون په اداري برخه کې د استخدام مامور په صفت په (۶)رتبه بس کې وظیفه ترلاسه کړه د دوه کاله وظیفي ترسره کوولو وروسته د اداري اصلاحاتو د رتب معاش سیستم په راتګ سره یې د کتابتون او معلوماتي ټکنالوژی امریت ته د ازاد رقابت له لارې امتحان ورکړ او په ښو نومرو (۳)رتبه بست ته کامیاب شو او په ۱۳۹۰کال د قوس میاشتې په (۹) نیټه یې منظوري ترلاسه کړه.د ده د راتګ سره سم د وخت شته ادارې په هڅوکتابتون ته یوه ځانګړي وداني منظوره شوه د یو کال په جریان کې یې ساختماني چارې بشپړې او ګټې اخیستنې ته چمتو شوه.پخوا کتابتون د یوې پوهنځی په یوه ټولګې کې محدود او ډیر مشکلات یې درلودل نو د ځانګړي ودانۍ چارې په بشپړیدو سره یې د انتقال پروسه شروع شوه او په منظم ډول د کتابتون اجناس او کتابونه نوي ودانۍ ته انتقال شول ددې کارونو ترڅنګ د کتابتون لپاره ځانګړي پروګرامونه په لار واچول شول اود یو ځانګړي سیستم د رامنځته کولو په رابطه ډیر کارونه ترسره شول، استادانو محصلینو او اداري کارمندانو ته د مطالعې ښه زمینه برابره شوه، د کتابتون د غنې کیدو په موخه د ښاغلي سردارخیل په وخت کې کتابتون سره د کتابونو په برخه کې ډیرې مرستې ترسره شوې تقریبآ د (۴۰۰۰۰)زرو په شاوخوا کې کتابتون په نویوکتابونوغني شو چې ددې جملې څخه دDAAD په نوم د آلمان هیواد د علمي همکاریو ټولنه چې په افغانستان کې یې چاپي او د ویش چارې  محترم ډاکټر صاحب یحیی وردک په لاس دي د طبي او غیرې طبي کتابونه مرسته کړیده او د خوست ولایت پخوانی والي مرحوم معراج الدین پټان د یادونې  وړ بولو.د معلوماتي ټکنالوژی په برخه کې دده په راتګ سره ډیر اړین او ګټور کارونه ترسره شول د منظم سیستم رامنځته کول. د پوهنتون ټولو ادارو ته په منظم ډول د انټرنیټ سیستم غځول .په منظمه توګه د خپلو اړونده کارکوونکو څخه نظارت کول.

 

پیغام

لکه څرنګه چې افغانستان یو اسلامي هېواد دی او هم یې ټول  قوانین او اصول د اسلام د مبارک دین مطابق دي، خو له بده مرغه چې اوس مهال په افغانستان کې زیات شمېر خلک نه لوستي دي، علت یې دادی چې په افغانستان کې د کتابتونونو د موثریت څخه څوک په کامله مانا اګاهي نه لري، نو په همدې اساس کتابتون د نننۍ ټولنې د ښې راتلونکې لپاره مهم او اصلي رکن بلل کېږي، چې جوړېدل یې اړین دی. که چېرې د کتابتون اهمیت ته ځیرشو  نو پدې کې هېڅ شک نشته چی، کتابتون  د وخت یو کامل ضرورت دی، ځکه چې د تعلیمي کچې د پیاوړي کېدو او د هېواد د راتلونکي نسل د ښې پوهې لپاره کتابتون د ټولنې لپاره د ملا تیر حیثیت لري، همدا لامل دی چې د غربی او اروپایي ټولنې خلک د علمي ظرفیت د پرمختګ لپاره د مختلفو ډولونو د کتابتونونو څخه استفاده کوي، چې نن ورځ ددوی علمي کچه تر بل هر وخت پرمختللې او کومه ځانګړې نیمګړتیا نه لري، سره د ټولو اهمیتونو، زده کړو او ټولو تاثیراتو چې په راتلونکي یې ولري، ثابته شوې ده چې  هېڅ بشري قوه  نشي کولی، چی هغه بیا او په بله بڼه پیداکړي، ولې راتلونکی په لاره دی او یوه مهمه برخه د هغې چې نن ورځ  په کتابتون پورې اړه لري. مونږ باید د دې هېواد د بچیانو برخه د نړۍ د راتلونکي څخه معلومه کړو او ددې لپاره ملي عزم ته اړتیا لرو، نو لدې کبله خورا مهمه ده، چې باید د ټولنې د سیاسي، اقتصادي او فرهنګي  لوړوالي او پرمختیا په اړه کتابتون ته مرجعه وشي. په معنوی او مادی لخاظ دوامداره ګټې، لاسته راوړنه، نوي بدلونونه، خلاقیت او د ژوندانه مناسب کیفیت د بشری منابعو، اجتماعي کلتورشی او فرهنګي ګټو پېژندل د کتابتون په شتون پورې اړه لري. ځکه د اوسني عصر مطابق د وګړو شتمني، طبیعي شتمني، فزیکي او انساني شتمني په دې پورې تړلې ده، که چېرې په واقعي مانا له کتابتون څخه استفاده وشي، لېرې نه ده، چې د ځمکې پر مخ به له ډېرو کمو ستونزو سره مخ شو، نو په همدې خاطر مو هېله ارزو دا ده چې د کتابتون څخه د سالمې ګټې په موخه په هرځای کی استفاده وشی، کتاب یو ښه ملګری دی ، خو د ښې ملګرتیا اساس بیا په کتابتون پوری اړه لري.

دشیخ زاید پوهنتون د کتابتون او معلوماتي تکنالوژی د امریت مسولین له خپلو ټولو ګرانو استادانو محصلینو او اداري کارکوونکو څخه هیله کوي چې د کتابتون اصول، مقررې او لایحې په پام کې ونیسي او د اصولو مطابق له کتابونو او کمپيوټرونو څخه ګټه واخلي تر څو مو له جوړ شوي سیستم څخه سالمه او اسانه استفاده کړي وي.

 

په درنښت!