د ځنګلونو، اوبو او هوا نړیوالو ورځو په مناسبت سيمينارونه ورکړل شول.
نن دوشنبه د ۱۴۰۴ هـ.ش کال د وري مياشتې ۴مه، چې د ۱۴۴۶ هـ.ق کال د رمضان المبارک مياشتې له ۲۴مې نيټې سره سمون لري، د شيخ زايد پوهنتون ریاست مقام په تالار کې د ځنګلونو، اوبو او هوا نړیوالو ورځو په مناسبت سيمينارونه وړاندې شول.
په يادو سمينارونو کې د شيخ زايد پوهنتون رئيس شیخ الحدیث مولوي محمد نسیم حـ..ــقاني، د پوهنتون مرستيالانو، استادانو او د پوهنځیو محصلانو ګډون کړی و.
د قرآن کریم له تلاوت وروسته، د پاکې هوا اړوند سیمینار د کرنې پوهنځي استاد پوهنوال شفیع ګل شفیقي، د اوبو اهميت او مدیريت د انجینري پوهنځي استاد پوهندوی نقیب احمدي نعیمي او د ځنګلونو ارزښت اړوند سیمینار د کرنې پوهنځي استاد پوهنمل حکيم الله عابد لخوا وړاندې شو.
باید یادونه وکړو چې یاد سیمینارونه د محصلانو چارو معاونیت په هڅو د نظم او ډیسپلین عمومي کمېټې لخوا برابر شوي و.
نشراتو او عامه اړیکو آمريت
