د شیخ زاید پوهنتون متقاعدینو او په چارو کې مخکښو استادانو ته ستاینلیکونه ورکړل شول
نن ورځ پنجشنبې(۱۹/حمل/۱۴۰۰)د خان عبدالصمدخان اڅکزي د غونډو په تالار کې د شیخ زاید پوهنتون متقاعدینو او په چارو کې مخکښو یو شمیر استادانو ته د غونډې په ترڅ کې ستاینلیکونه د ښه تشویق په موخه ورکړل شول.
غونډه کې د شیخ زاید پوهنتون رهبري، استادانو او اداري کارمندانو برخه اخیستي وه، چې د قرانکریم تلاوت څخه وروسته د پوهنتون رئیس پوهنمل حسین ګل اریوبي په خپلو خبرو کې د متقاعدینو او په چارو کې مخکښو استادانو څخه مننه وکړه، چې د ستاسو د ښو کړنو او پوره همکارۍ نتیجه ده، چې شیخ زاید پوهنتون ډيرې لاسته راوړنې لري.
د پوهنتون مالي او اداري چارو مرستیال د ستاینلیکونو ورکړې میتود تشریح کړ او په دې تړاو یې خپل ترتیب کړی پریزینټیشن ګډونوالو ته وړاندې کړ.
د شیخ زاید پوهنتون رهبري په دې هڅه کې ده، چې د مجازاتو او مکافاتو اصل ته په کتو د پوهنتون کادري او اداري پرسونل ترمنځ د پوهنتون د ښې راتلونکې په موخه یو مثبت رقابت شتون ولري
