د شیخ زاید پوهنتون او د پامیر لوړو زده کړو خصوصي مؤسسې ترمنځ د ګډې همکارۍ تړون لاسلیک شو
د شیخ زاید پوهنتون او په خوست کې د پامیر لوړو زده کړو مؤسسي تر منځ د پنځه کلنې ګډې همکارۍ تړون لاسلیک شو، چې په ترڅ کې به یې د دواړو نهادونو تر منځ د کیفیت لوړولو، علمي سمینارونو او د ورکشاپونو دایرولو کې همکاري وشي، همدارنګه، ددې تړون له مخې به استادان او محصلان ددې فرصت پیدا کړي چې، خپلو علمې او اکاډمیکو اهدافو ته په اسانۍ سره ورسیږي ، چې له دې لاري به خپل ولس ته په علمي برخه کې وړ او معیاري خدمات وړاندې کړي
د شیخ زاید پوهنتون رئیس پوهنمل حسین ګل اریوبي ددې ډول تړونونو لاسلیکول ډېر اغیزمن وبلل او زیاته یې کړه چې دا ډول تفاهم لیکونه د علمي برخي په پیاوړتیا او په چارو کې د سمون لپاره ډېر مؤثر ثابتیږي
